TV Licensing

A oes arnoch angen Trwydded Deledu?

Yn y Deyrnas Unedig, Ynysoedd y Sianel ac Ynys Manaw, mae arnoch angen Trwydded Deledu os ydych yn defnyddio offer i wylio neu recordio rhaglenni teledu wrth iddynt gael eu dangos ar y teledu (gan gynnwys gwasanaethau lloeren tramor).

Mae hyn yn cynnwys defnyddio’r canlynol:

• Set deledu
• Bocs digidol
• Peiriant recordio DVD neu fideo
• Cyfrifiadur neu liniadur
• Ffôn symudol

Dim ond un Drwydded Deledu sydd ei hangen ar gyfer pob cartref, hyd yn oed os ydych yn defnyddio mwy nag un o’r dyfeisiau yn y rhestr uchod.

Mae Trwydded Deledu yn costio £142.50 y flwyddyn ar gyfer teledu lliw, a £48.00 y flwyddyn ar gyfer du a gwyn.

Mae’n anghyfreithlon gwylio teledu heb drwydded ddilys. Os ydych yn gwylio teledu heb drwydded ddilys, fe allech chi gael eich erlyn ac wynebu dirwy o hyd at £1,000.

Isod mae’r gwahanol ffyrdd o brynu Trwydded Deledu.

Nodyn am iaith: Sylwch, os byddwch yn clicio ar unrhyw rai o’r cysylltiadau ar y wefan hon, fe fyddwch yn cael eich arwain at gynnwys Saesneg. Os hoffech ddefnyddio ein gwasanaeth cyfieithu dros y ffôn, ffoniwch 0844 800 6728 ac fe allwch chi siarad â rhywun yn eich iaith eich hun.

Sut i dalu am eich Trwydded deledu

Debyd Uniongyrchol

Y ffordd hawsaf o dalu am eich trwydded yw trwy Ddebyd Uniongyrchol, sy’n gadael i chi dalu bob mis neu bob chwarter, neu fe allwch dalu’r ffi flynyddol yn llawn gydag un taliad. Unwaith y bydd eich Debyd Uniongyrchol wedi’i drefnu, fe fydd eich trwydded yn cael ei hadnewyddu’n awtomatig bob blwyddyn, felly fydd byth angen i chi boeni am fod heb drwydded.

Gallwch drefnu Debyd Uniongyrchol ar lein neu ffonio 0844 800 6728 gyda’ch manylion banc wrth law. (Sylwch gyda Debyd Uniongyrchol chwarterol fod raid talu premiwm o £1.25 bob chwarter. Sylwch hefyd nad yw rhai banciau a chymdeithasau adeiladu yn derbyn Debyd Uniongyrchol, felly cofiwch holi yn gyntaf.)

Cynllun Taliadau Hawdd

Ffordd arall o rannu cost eich trwydded yw ein Cynllun Taliadau Hawdd, sy’n gadael i chi dalu rhandaliadau bob wythnos neu bob pythefnos, gan dalu cyn lleied â £5.50 yr wythnos. I gael gwybod mwy a threfnu hyn, ffoniwch 08457 289 289 (Saesneg yn unig).

Ar lein

Gallwch dalu a rheoli eich Trwydded Deledu ar lein. Felly, gallwch ddewis derbyn eich trwydded drwy e-bost, yn ogystal â phob gohebiaeth arall oddi wrthym. (I wneud hyn, mae’n bwysig fod eich cyfeiriad e-bost yn cynnwys cymeriadau’r wyddor Saesneg yn unig.)

Gallwch dalu am eich Trwydded Deledu yma – un ai gyda cherdyn debyd neu gerdyn credyd neu drwy drefnu Debyd Uniongyrchol. Cofiwch fod â’ch manylion banc wrth law a bod yn barod i gwblhau ffurflen dalu yn Saesneg.

Cofiwch fod â’ch manylion banc wrth law a bod yn barod i gwblhau ffurflen dalu yn Saesneg.

Ffôn

Os oes gennych gerdyn debyd neu gerdyn credyd fel Maestro, Delta, Solo, Visa neu MasterCard, gallwch dalu am eich Trwydded Deledu dros y ffôn. Yn syml iawn, ffoniwch 0844 800 6728 gyda manylion eich cerdyn wrth law.

(Os hoffech dalu gan ddefnyddio ein gwasanaeth cyfieithu dros y ffôn, ffoniwch 0844 800 6728 a gallwch siarad â rhywun yn eich iaith eich hun.)

Safle PayPoint

Gallwch fynd i unrhyw safle PayPoint a phrynu Trwydded Deledu gydag arian parod neu drwy gerdyn debyd. Yn syml iawn, rhowch eich enw a’ch cyfeiriad i’r ariannwr.

Mae dros 19,000 o safleoedd PayPoint ar hyd a lled y Deyrnas Unedig, a gall y rhain gynnwys desg arian yn eich siop, archfarchnad neu garej leol. Mae llawer o safleoedd PayPoint ar agor am oriau hir, saith diwrnod yr wythnos. Mae’n bosib dod o hyd i’ch safle PayPoint lleol yma neu drwy ffonio 0844 800 6799 (Saesneg yn unig).

Post

Gallwch anfon siec at TV Licensing, Bristol BS98 1TL. Ysgrifennwch y siec i ‘Trwyddedu Teledu’ am ffi lawn y drwydded a chofiwch ysgrifennu eich enw, cyfeiriad a chôd post ar y cefn. Peidiwch ag anfon arian parod.

Cerdyn cynilo Trwyddedu Teledu

Gallwch gynilo tuag at gost eich Trwydded Deledu gyda symiau bach, hawdd eu rheoli gan ddefnyddio cerdyn cynilo Trwyddedu Teledu. Yn syml iawn ewch â’r cerdyn yma i unrhyw safle PayPoint i ychwanegu at eich cynilion gydag arian parod neu drwy gerdyn debyd. Os byddwch wedi cynilo ffi lawn y Drwydded Deledu pan ddawn amser adnewyddu eich trwydded, fe fyddwch yn cael trwydded newydd yn awtomatig yn y post.

I gael gwybod mwy a gwneud cais am gerdyn cynilo Trwyddedu Teledu, ffoniwch 0845 155 0327 (Saesneg yn unig).

Gwybodaeth ddefnyddiol

Ydych chi wedi symud ty yn ddiweddar?

Os ydych wedi symud ty yn ddiweddar, cofiwch roi gwybod fel y gallwn symud eich Trwydded Deledu i’ch cyfeiriad newydd, er mwyn i chi ddal i fod wedi’ch trwyddedu’n gywir. Gallwch ddiweddaru eich manylion ar lein neu drwy ein ffonio ar 0844 800 6728.

Ydych chi’n 74 oed?

Os ydych yn 74 oed ac y byddwch yn dod yn 75 cyn i’ch Trwydded Deledu nesaf ddod i ben, rydych yn gymwys i brynu Trwydded Deledu Tymor Byr. Bydd hon yn trwyddedu cyfeiriad eich cartref hyd at eich pen-blwydd yn 75, pan fydd gennych hawl i gael Trwydded Deledu Dros 75 am ddim. Gyda Thrwydded Tymor Byr, fyddwch chi ond yn talu am nifer y misoedd rhwng y dyddiad y daw eich trwydded bresennol i ben ach pen-blwydd. I wneud cais, ffoniwch 0844 800 6728 gyda’ch rhif Yswiriant Gwladol wrth law. (Maer rhif iw weld ar eich adroddiad banc os yw eich pensiwn yn cael ei dalu ich cyfrif banc.) Os nad oes gennych rif Yswiriant Gwladol, ffoniwch ni beth bynnag ac fe wnawn ni drefnu ffordd arall i chi brofi eich dyddiad geni.

Ydych chi’n 75 neu drosodd?

Os ydych yn 75 oed neu drosodd, mae gennych hawl i gael Trwydded Deledu Dros 75 am ddim ar gyfer cyfeiriad eich cartref, hyd yn oed os ydych yn byw gyda pherthnasau neu ffrindiau ieuengach. Os oes gennych Drwydded Deledu Tymor Byr, fe gewch chi Drwydded Deledu Dros 75 am ddim yn awtomatig pan fyddwch yn dod yn 75. Fel arall, maen bwysig eich bod yn gwneud cais am y drwydded trwy ffonio 0844 800 6728 gyda’ch rhif Yswiriant Gwladol wrth law. (Maer rhif iw weld ar eich adroddiad banc os yw eich pensiwn yn cael ei dalu ich cyfrif banc.) Os nad oes gennych rif Yswiriant Gwladol, ffoniwch ni beth bynnag ac fe wnawn ni drefnu ffordd arall i chi brofi eich dyddiad geni.

Ydych chi’n ddall neu â nam difrifol ar eich golwg?

Os ydych chi neu rywun sy’n byw gyda chi yn ddall neu â nam difrifol ar eich golwg, rydych yn gymwys i dderbyn consesiwn o 50% ar gost eich Trwydded Deledu.

I hawlio’r gostyngiad, mae angen i chi ddarparu llungopi un ai o’ch dogfen cofrestru’n ddall neu dystysgrif gan eich offthalmolegydd syn dangos eich bod yn ddall neu â nam difrifol ar eich golwg. Postiwch y llungopi ynghyd â rhif eich Trwydded Deledu, rhif ffôn a thaliad trwy siec at Trwyddedu Teledu, Grwp Consesiwn i Bobl Ddall, Bryste BS98 1TL.

Os nad y sawl sy’n ddall neu â nam difrifol ar ei olwg yw deiliad presennol y drwydded ar gyfer eich cyfeiriad, maen rhaid i chi drosglwyddor drwydded iw henw nhw yn gyntaf, a gallwn drefnu hyn pan fyddwch yn ffonio 0844 800 6728.

Ddim yn defnyddio teledu?

Os nad ydych yn defnyddio teledu, does dim angen i chi gael Trwydded Deledu. Ond mae’n bwysig eich bod yn dweud wrthym er mwyn i ni allu diweddaru ein cofnodion. Ffoniwch ni ar 0844 800 6728 neu ysgrifennwch atom yn Trwyddedu Teledu, Bryste BS98 1TL gan ddweud nad ydych yn defnyddio teledu. Efallai y bydd Swyddog Gorfodi yn galw i’ch gweld er mwyn cadarnhau’r sefyllfa.

Ydych chi’n byw yn Ynysoedd y Sianel neu Ynys Manaw?

Sylwch fod amodau ar wahân mewn grym yn Ynysoedd y Sianel ac Ynys Manaw.

• Yn Ynysoedd y Sianel ac Ynys Manaw, gallwch dalu am eich Trwydded Deledu yn Swyddfa’r Post. (Ar dir mawr Prydain, allwch chi ddim talu am eich trwydded yn Swyddfa’r Post erbyn hyn).
• Yn Ynysoedd y Sianel ac Ynys Manaw, does dim cynllun Taliadau Hawdd.
• Yn Jersey, Guernsey a Sark, allwch chi ddim talu am eich trwydded trwy Ddebyd Uniongyrchol chwarterol (dim ond trwy Ddebyd Uniongyrchol misol neu flynyddol). Yn Ynys Manaw, gallwch dalu trwy Ddebyd Uniongyrchol bob mis, bob chwarter neu bob blwyddyn.
• Yn Guernsey ac Ynys Manaw, gallwch wneud cais am Drwydded Deledu Dros 75 am ddim os ydych yn 75 oed neu drosodd. Cysylltwch â’r DHSS.
• Yn Guernsey, gallwch wneud cais am Drwydded Deledu Dros 65 am ddim os ydych yn 65 oed neu drosodd ac yn derbyn budd-daliadau’r wladwriaeth. Cysylltwch â’r DHSS.
• Yn Jersey, gallwch wneud cais am Drwydded Deledu Dros 75 am ddim os ydych yn 75 oed neu drosodd ac ar incwm isel. Ffoniwch Adran Nawdd Cymdeithasol Jersey ar 445505.
• Yn Sark, does dim Trwydded Deledu Dros 75 am ddim na Thrwydded Deledu Tymor Byr i bobl 74 oed.

Mae’n bosib dod o hyd i fwy o fanylion yma neu, os hoffech siarad â rhywun yn eich iaith eich hun, ffoniwch 0844 800 6728.

Sylwch:

• Wrth ein ffonio neu wrth ysgrifennu atom, cofiwch nodi rhif eich Trwydded Deledu os oes gennych un.
• Fel ffordd o reoli ansawdd, gall galwadau ffôn at Drwyddedu Teledu a chan Drwyddedu Teledu gael eu monitro neu eu recordio er dibenion hyfforddi er mwyn sicrhau ein bod yn gwella safon ein gwasanaeth i gwsmeriaid drwy’r amser.
• Bydd gwybodaeth bersonol a ddarperir yn cael ei defnyddio gan yr Awdurdod Trwyddedu Teledu (y BBC) a darparwyr gwasanaethau’r BBC i weinyddu’r system Trwyddedau Teledu yn unig, gan gynnwys cyflwyno trwyddedau, casglu ffïoedd a gorfodi. Ni fydd y wybodaeth yn cael ei rhoi i unrhyw un y tu allan i Drwyddedu Teledu heb gael eich caniatâd chi yn gyntaf, oni bai fod y gyfraith yn mynnu neu’n caniatáu i ni wneud hynny. Gallwch gyfeirio unrhyw ymholiadau am ddiogelu data at Y Rheolwr Diogelu Data, Trwyddedu Teledu, Bryste BS98 1TL.

Telerau ac amodau’r Drwydded Deledu

Diffiniadau

Mae Chi yn golygu’r sawl sy’n cael ei enwi ar y drwydded. Mae offer teledu yn golygu offer derbyn teledu.

Pam mae angen Trwydded Deledu?

• I ddefnyddio unrhyw offer teledu fel set deledu, bocs digidol, peiriant recordio fideo neu DVD, cyfrifiadur neu ffôn symudol i wylio neu recordio rhaglenni teledu wrth iddyn nhw gael eu dangos ar y teledu.

Beth mae eich trwydded yn ei ganiatáu?

Mae’r drwydded yn caniatáu gosod a defnyddio offer teledu:

• yn y safle trwyddedig gan unrhyw un.
• mewn cerbyd, cwch neu garafán:
  • gennych Chi ac unrhyw un sydd fel arfer yn byw gyda Chi yn y safle trwyddedig (ar yr amod nad oes offer teledu yn cael eu defnyddio mewn carafán nad yw’n un deithiol ac yn y safle trwyddedig ar yr un pryd).
  • gan unrhyw un, sydd fel arfer yn gweithio yn y safle trwyddedig (ar yr amod nad yw’r cerbyd, cwch neu garafán yn cael eu defnyddio am reswm busnes).

Defnyddio offer teledu sy’n rhedeg ar fatrïau mewnol yn unrhyw le:

• gennych Chi ac unrhyw un sydd fel arfer yn byw gyda Chi yn y lle trwyddedig.

Beth sy ddim yn cael ei ganiatáu dan eich trwydded?

• Rhannau o’ch safle lle mae pobl eraill yn preswylio’n neilltuedig, er enghraifft tenantiaid, lojars neu westeion sy’n talu.
• Unedau hunangynhwysol ar y safle.
• Unrhyw rannau o’ch safle lle mae pobl eraill yn preswylio yn unol â chytundeb neu drefniant arall (ac eithrio rhannau o breswylfa breifat).
• Nid yw trwydded du a gwyn yn ddilys ar gyfer gosod na defnyddio offer teledu lliw ac eithrio pan fydd bocs digidol yn cael ei osod neu ei ddefnyddio gyda set deledu ddu a gwyn, ar yr amod nad yw’r bocs digidol wedi’i gynllunio i recordio rhaglenni teledu.

Amodau eich trwydded

• Rhaid talu ffi’r drwydded.
• Gellir canslo neu ddirymu trwydded neu amrywio ei thelerau trwy anfon hysbysiad atoch Chi neu drwy hysbysiad cyffredinol a gyhoeddir ar wefan y BBC ac, os ystyrir yn briodol gan y BBC, mewn negeseuon cenedlaethol eraill.
• Gall ein swyddogion ymweld â’r safle trwyddedig i wirio ein cofnodion ac archwilio’r offer teledu unrhyw bryd, ond nid oes yn rhaid i chi adael iddynt ddod i mewn i’ch cartref.
• Rhaid i Chi beidio ag achosi ymyriant amhriodol i dderbyniad unrhyw radio neu deledu arall gyda’ch offer teledu.
• Cyflwynir eich trwydded ar ran yr Awdurdod Trwyddedu dan y pwerau yn Neddf Cyfathrebu 2003.